viernes, 30 de noviembre de 2012

Canciones De Otoño

Hola, soy Nico Y esta la Presentación que realicé sobre el Otoño con música de Milladoiro: Galope De Guístola. ¡Espero que os guste!
HACER CLIC SOBRE LA FOTO PARA COMENZAR LA PRESENTACIÓN

Biscoito Con Noces

Ola, Eu Son Uxío e tamén vou explicar a receita do Biscoito Con Noces.
Ingredientes:
3 ovos.             
1 iogur natural (o envase do iogur vai servir tamén de medida para os demais ingredientes)
2 iogures e medio de azucre.
3 iogures de fariña.
1 iogur de aceite de xirasol
1 sobre de lévedo.
Unha cullerada de manteiga.
Unha bolsa de noces sen a casca.

Modo de Facelo:
Escáchanse os 3 ovos, bótanse nun recipiente e bátense.

Engádese o iogur, e continúase a bater.

A continuación añadimos os 2 iogures e medio de azucre, sempre a bater.

Turno agora para engadir os 3 iogures de fariña, sen deixar de remexer.

Vertemos agora o iogur de aceite de xirasol.

Sen esquecernos do lévedo, e de seguir batendo.

E xa chegou o momento de engadir as noces que teremos previamente machucadas no almirez.

Seguidamente collemos un molde e untámolo coa manteiga para evitar que se pegue todo e poder sacar ben o biscoito, sen se desfacer unha vez xa cociñado.

Vertemos a mestura toda no molde.

E introducimos todo no forno a 175 graos ata que se faga. Saberemos que xa está listo cando perforemos o biscoito con un coitelo e saia completamente seco. Aproximadamente despois de 40 minutos.
Uxío Tobío Juan 6º B
VER AQUÍ TODAS AS FOTOS DA RECEITA

jueves, 29 de noviembre de 2012

Presentacións De Outono

E neste tempo de Outono imos ir presentando no blogue as nosas visións de esta estación tan inspiradora en todas as diferentes modalidades das artes... Sen esquecernos do apartado culinario e a tradición.

CLICA NA FOTO PARA COMEZAR A PRESENTACIÓN

Joel Moreira 6º B

Castañas Asadas

Ola, nós somos Juan e Jose.
Nós preparamos Castañas asadas
 
Ingredientes:
Todas as castañas que queiramos comer.

Modo de facelo:
Primeiro preparamos as castañas dándolles un corte cun coitelo en algún dos lados.

Encendemos un bo lume.

Poñemos as castañas en un recipiente furado.


Damoslles voltas para que non se queimen.

Sacámolas do lume cando estean douradas e antes de que se poñan negras.

Servímolas quentiñas... E... A COMER!!!


Juan Antonio Otero Valladares e José Martínez Vilas 6º B

VER AQUÍ MÁIS FOTOS DAS CASTAÑAS ASADAS

martes, 27 de noviembre de 2012

E Xa Chegamos Ás 20.000 Visitas!!!

Agora que As Aguias De Lume xa chegamos ás vinte mil visitas, queremos agradecer, a todo vós, os nosos visitantes, o voso apoio constante dende que comezamos o blogue. Vós sodes os que nos  axudastes a chegar onde estamos. Seguide visitando o blogue e axiña chegaremos ás trinta mil. Moitas Grazas e Ata pronto!
Eduardo Lores Baamonde 6ºB

A Lúa E Máis Eu
Na rúa na que vivo 
miro a lúa perpetuamente
albergando a esperanza
de algún día chegar alí.

O amencer entristéceme,
o solpor faime feliz.
E cando vexo a lúa reflexada no val
penso: ¡Eu  pódoo conseguir!
¡Quero ser o seu aprendiz!

O lume recorre o meu corpo 
e sáeme fume cando penso
que ao longo da fría noite
poderíaa chegala a tocar.

Gargalladas solto se vexo 
que os grandes corais do mar 
reflexan a miña lúa 
coa súa grande fermosura.

Paréceme mentira,
a lua semella de xabón
e as estreliñas de escuma.

O espazo é coma unha furna,
no medio ten unha candea
e todos os planetas xiran ao redor dela.
E agora me despido
con un bico e unha aperta.
Antón Freire Barcia 6ºB

lunes, 26 de noviembre de 2012

Rosquillas De Outono

Eu son Jorge e tamén elexín as ROSQUILLAS DE OUTONO
Ingredientes:
1 Kg de fariña
200gr de azucre

300ml de leite
200ml de anís
200ml de aceite Xirasol
2 ovos
1 sobre de fermento.

ELABORACIÓN:
Batemos o azucre e mailos ovos.
Botamos o anís e removemos.

Engadimos aceite e volta a remexer.
A continuación adicionamos leite e seguimos removendo.

 Mesturamos a fariña e mailo formento e imos botándoos na mestura anterior.

Remenxemos ata ter unha masa que non se pegue.

Deixamos repousar a masa uns 30 minutos.

Depois de pasado ese tempo, coa masa facemos bolos cun burato no medio.


Fritimos as rosquillas apenas volta e volta.
E... 

¡XA ESTÁN LISTAS PARA COMER!
Jorge Iglesias Acuña 6º B
VER AQUÍ TODAS AS FOTOS DA ELABORACIÓN DA RECEITA

Biscoito De Noces

Eu son Carmen e elexín o Biscoito de noces, e esta é a receita que preparei:
 Ingredientes: 
3 ovos
1 iogur natural ( IMPORTANTE: o envase do iogur servirá de medida para os seguintes ingredientes).
2 iogures de axucre
3 iogures de fariña 
1 iogur de aceite de xirasol.
1 sibre de lévedo.
unha cullerada de manteiga.       
unha bolsa de noces mondadas. 

 Como se fai:
1º Primeiro bótanse 3 ovos nun recipiente,e logo bátense.
2º Logo añádese un iogur natural e continúase a bater.
3º Máis tarde collemos os 2 iogures e medio de azucre, engadímolos  e mestúrase cos ovos.
4º Añádense 3 iogures de fariña.
5º Un iogur de aceite de xirasol.
6º Despois collemos 1 sobre de lévedo, engadimos e por último bátese todo ben batido.
7º Añadimos as noces(troceadas previamente cun morteiro), aínda que isto é opcional.
8º Logo untamos todo o molde de manteiga, para que non se pegue o biscoito e poder sacalo do molde unha vez cociñado.
9º Botamos a mestura no molde.
Tranquilos xa falta menos para comelo! Ha ha ha.
10º E por último metémolo no forno a 175º ata que se faga. Cando perforemos o biscoito co coitelo, esperamos uns 10 minutos ata que se seque,e..... Xá está listo para comelo este biscoito delicioso!
Que vos aproveite!
Carmen Iglesias Limeres 6ºB
VER AQUÍ MAIS FOTOS DA RECEITA

sábado, 24 de noviembre de 2012

Año Con Cogumelos

Como case todos os que elaboraban receitas preparaban postres, nós decidimos ser diferentes, e esta foi a nosa escolla: Año Con Cogumelos.


Ingredientes:
- Uns anacos de año
- 400 gr de cogumelos
- 1 cebola                        
- 7 dentes de allo
- 3 vasos de viño branco
- Auga                       
- Vinagre
- Aceite virxen extra
- Sal
- Pementa negra
 - Perexil picado  
    
 
Elaboración:
Lamina 2 dentes de allo, pica a cebola e ponos xuntos a dourar na olla rápida cun chorriño de aceite. Engade pementa negra e os anacos do año previamente sazonados.

Verte o viño branco. Tapa e cociña durante 8 ou 10 minutos a partir de saír o vapor. Lamina outros 2 dentes de allo en engádeos á tixola. 

Escurre os allos fritos e colócaos no morteiro. Machuca ata que quede unha masa, verte un chorriño de vinagre, mestura ben e engade á cazola.




Deixa cociñar outros 8 ou 10 minutos. Lamina os 3 dentes de allo restantes e dóuraos nuha tixola. 

Limpa e corta os cogumelos pola metade e méteos na tixola. Engade ó año... E... ó final de todo sérvese nun prato. Bo Proveito!

Laura García García, Isabel Recarey Benito e Nicolás Regueira Piquenque 6º B

VER AQUÍ MÁIS FOTOS DA ELABORACIÓN DA RECEITA

viernes, 23 de noviembre de 2012

Degustación Das Nosas Receitas De Outono Na Escola

Hoxe todos chegamos á escola entusiasmados! E era que hoxe tiñamos a degustación das receitas que fomos elaborando desde comezo do Outono. 
Pero non todo era así de fácil... Cando nos demos conta, resulta que tamén tiñamos dous exames!!! Así que antes da diversión tocaba poñer as pilas e traballar arreo....
 Pero cando sonou o timbre que anunciaba o cambio para a terceira clase, todos saltamos de ledicia!!!... Xa era hora de poñerse as botas!!!... Ummmm... Estaba todo boísimo!!!
Pasámolo xenial compartindo os produtos das dúas clases de sexto... Algunhas profesoras ao enterarse da degustación acercáronse por alí, convidadas por nós. Estaban encantadas e pareceulles moi boa idea. E cando probaron, gustoulles moito todo o que alí había. 

 Ao final, como aínda sobraban algunhas cousas, decidimos ir ofrecendo polas demais clases... E como podedes imaxinar non quedou nin unha frangulla!!!
Aquí vos deixamos algunhas fotos da merendola e esperamos que algún día volo pasedes tan ben coma nós... ¡Bo proveito!!!
 VER AQUÍ MÁIS FOTOS DA DEGUSTACIÓN
Joel Moreira Fernández, Ismael Pereira Iriarte, Dalila García García e Jorge Iglesias Acuña 6º B

miércoles, 21 de noviembre de 2012

Merendola De Outono No Campo

Estamos nunha época inigualable para a degustación de produtos naturais e elaborados cun grande abanico de posibilidades que nos ofrece a natureza en estes momentos.

Favorecidos ademais polo tempo chuvioso que invita a quedar na casa a preparar ricas receitas.

Agora recollemos froitos como noces, améndoas, uvas, mazás, castañas... 

Aproveitamos os paseos para coller cogumelos. 

Tamén é época da caza e da mata do porco con todas as viandas que este animal nos proporciona.

E entón nós elaboramos varias receitas con moito entusiasmo, e pensamos en facer unha merendola no campo para degustar mellor os saborosos resultados. 

Como vedes, saiunos un tempo maravilloso, o sol brillaba no ceo, voaban unhas bonitas andoriñas, relocía o ao arco da vella, collemos cogumelos, e ata fomos detrás duns coelliños e duns raposos que por alí pasaban...
Isabel Recarey Benito 6º B
VER AQUÍ DETALLES DA MERENDOLA NO CAMPO

jueves, 15 de noviembre de 2012

Ecos Do último Magosto Na escola

Como quedamos tan felices e contentos coa nosa participación no día da celebración do Magosto na escola, decidimos continuar contando todo o que aconteceu aquel día:
  Último Magosto Na Escola
Cando o venres día nove de novembro cheguei á escola, eu, toda ilusionada, fun correndo xunto a Paco porque xa me cheiraba a queimado. E así era, alí, detrás do xinasio, encontrábase el, comenzando os preparativos da fogueira.

Ás nove horas da mañá tocou o timbre e xa tivemos que subir á clase, pero ó pouco tempo xa veu a profe Lola  buscarnos para comenzar a preparar os xogos para que todo o mundo se divertira moito.
Cando xa rematamos de montar todo ás once e cuarto sonou un timbre e xa podiamos recoller os nenos nas súas aulas.

 Xa recollidos, todos comenzamos a xogar, a bailar e a divertirnos moito. A min tocoume a estación de baile e, ao pouco tempo, de tanto repetir e repetir, xa tiña un mareo no corpo que ata vía estreliñas todo o rato... Aínda así paseino moi ben, foi o meu mellor magosto na escola.
 Máis tarde cando xa remataramos de facer as actividades, comezamos a repartir e comer as castañas que asaran algúns dos meus compañeiros con moito coidadiño.

E xa por último, fixemos unha roda moi grande e comenzamos a danzar o baile preparado coa profe de música.

En todas estas actividades,  tamén estivemos acompañados todo o rato  pola nosa profe Mary Carmen que ese día estaba de reportera fotográfica..


Foi un día inolvidable para min porque paseino moi ben! Paseino como se estivese comendo unha comida moi rica... As tortas de chocolate, ñam, ñam!... Que día máis divertido!!!
Laura García García 6ºB

O Último Magosto Na Escola
Este venres pasado foi un día de ledicia para o noso colexio, especialmente para os alumnos de 6º, coma min, xa que é o meu derradeiro ano de estar cos meus compañeiros de clase e cos mestres.

O amencer do día foi gris, pero ó longo da mañá o sol foi quentando e os traballos de baixar a leña, levar as castañas ata o lume, facer os cucuruchos e repartir as castañas fíxéronse  doados.

Primeiro a nosa mestra, Mary Carmen, distribuiu as tarefas entre os compañeiros de clase.

 Nós sentiamos felicidade e ao mesmo tempo morriña, xa que despois de 9 anos xuntos teremos que deixar a escola para sempre. Máis tarde, coas castañas xa feitas e despois de xogar os xogos, tivemos a degustación, que foi un éxito.

 A Dalila, Aarón e a min asignáronnos o xogo de " Arrincar o rabo ao burro", e nós tiñamos que correr tras os outros e quitarlles o rabo sen que eles puidesen sacarnos o noso. 

Tamén tiñamos que coordinar aos participantes no xogo e darlles as instruccións necesarias para que todo se desenvolvese axeitadamente. 

A miña conclusión deste día é que foi un día inolvidable e de agarimos entre nós. 
Tomás Rodríguez Durán 6º B

O Magosto na escola
Hoxe día 9 foi o magosto na escola e montamos unha festa de moito coidado.

Primeiro ao chegar ao cole aburriámonos un pouco ..... 
Pero cinco minutos máis tarde,os profes, empezaron a chamarnos para que fósemos facendo cousas, por exemplo: Baixar as castañas para asalas, a leña para prender o lume, preparar os xogos, etc...
Tivemos que ir polas clases collendo aos cursos 1º, 2º e 5ºA. O primeiro equipo, os verdes, para poder empezar a xogar.
A María, a Antón e a mín, tocounos o xogo de chapacastaña.
Foi moi divertido, pasámolo xenial!!!

O malo,é que este é o noso último magosto na escola.
Ben, e aquí despídome, cuns bicos. Adeus!
Carmen Iglesias Limeres 6º B


O Magosto Na Escola
O día nove de Novembro, a miña escola celebrou o magosto. 

E para iso a profe de música ensinounos un fantástico baile que consiste en bailar en roda e tamém  por parellas cantando esta canción: vou de roda en roda, vou de flor en flor...
Un día antes, a nosa profe Mary Carmen elixiunos para saber o que iamos facer no magosto: animadora, organizadora, asadora, etc.

Pois a min tocoume asar as castañas, ¡era o que eu quería! Cos meus compañeiros e o conserxe Paco, asamos as castañas e sufrimos os sofocos do lume.

 Foi un traballo moi forte e duro, pero as castañas saíron boísimas.

Para finalizar o magosto collemos unha porta vella e tirámola a queimar enriba das chamas.
Este foi un día que xamás olvidarei, resultou especial.
Nicolás Regueira Piquenque 6º B

Un Magosto Completo
Todo comezou un día, o anterior ó Magosto para ser exactos... 

Ó tocar a sirena, informando de que era a 5ª hora, a profe MªCarmen, explicounos en que xogos participaríamos e con quen (a min, por exemplo, tocoume con Sandra e Uxío, á Petanca).

Ó día seguinte, xa Magosto, comezamos a traballar ¡¡¡Estabamos emocionados!!!
 Chamaron para recoller os representantes de cada equipo (no meu, fun eu), que se poñerían mans á obra.


De alí a pouco tempo déronnos un papeliño para ir recolle-los nenos ¡¡¡Estaba entusiasmada!!!

Tras recollelos, e vir o profe, decatámonos de que isto de axudar, ía ser un pouquiño aburrido, e aínda por riba tiñamos un calor sofocante...

¡¡¡Por fin, somos libres... A xogar!!! Terminamos de axudar, e de suar,  xa podemos ir facer parvadas cos colegas.
Bailamos ó son da música, durante longo rato, pero a diversión terminou nun chisco, cando despois de bailar, unha oleaxe de abrazos golpeu á moída Sara, ¡¡¡Que dor!!!

Ben, para abreviar foi un día completísimo, cheo de diversión, e de... ¡¡¡CALOR!!!
Uxía Villanueva Bermúdez 6ºB


El Magosto En El Colegio

El magosto es impresionante.
Yo, lo primero que hice, y lo que más me encantó fue cuando bajé a las niñas y a los niños de todos los cursos hasta el patio. 
Y estaba de organizador en la petanca y me impresionó muchísimo ver como los niños lanzaban tan lejos para intentar ganar.
Nos tocó estar en la zona de hierba y nos daba mucho el sol. Y pasamos mucho calor.

 Después fui a echar una mano a Paco y a los compañerosque estaban asando las castañas.

Y nuestra profesora Mary Carmen nos sacaba fotos con el móvil y también con la cámara. 

Cuando estábamos asando las castañas, algunas, como no estaban picadas, explotaban como bombas y nos daban en la cara o en otra parte del cuerpo.

Al final, después de toda la diversión, hicimos unas filas para subir, y, al llegar a clase, todos  dijimos que era impresionante el día y al final del magosto nos fuimos felices para casa y ... 
Esto fue impresionante!!!
Uxío Tobío Juan 6ºB

O Último Ano Coas Castañas
En canto chegamos á escola, a profe Mary Carmen díxonos o xogo que nos tocaba  a cada un de nós para organizar e preparar.

 Nós estabamos felices, pero tamén  nerviosos por se o faciamos mal.
A profe Lola veu chamar algúns para que axudaran a montar os xogos, e os demáis foron coa teacher Pilar á biblioteca para organizala.
Ás once, aproximadamente, Lola chamounos para explicarnos as regras dos xogos.

 Ata as once e cuarto non podiamos coller os grupos de rapaces, divididos por colores. Laura e mais eu, o primeiro grupo que collemos foi o vermello, e, moi inquedas, non podiamos esperar nin un minuto máis.
Ao collelos saíron todos correndo pola escola adiante, polos corredores e xa non sabiamos nen a onde tiñabamos que ir.


A Laura e a mín tocounos organizar a sección do baile, e estabamos esperando a que puxeran a música por iso cando nos dixeron que a tiñabamos que cantar nós... ¡Quedamos coa boca aberta!

Menos mal que despois xa funcionou a megafonía! Aínda así paseino moi ben cos nenos pequenos.

E ao rematar tamén fun asar algunhas castañas removéndoas cun angazo que me prestou Nico. Ao collelas, ¡mimá! ¡Queimaban moítisimo! Xa que saían directamente do lume.

E esas castañas estivémolas a repartir polos cursos da escola, que estaban espallados por todo o patio. E nós, estabamos esperando para comer as nosas con impaciencia...
Por fin comemos un cucurucho enteiro. Eu creo que despois de traballar tanto, necesitabamos unha recompensa...
¡Ummm! ¡Que ricas estaban!

 E para rematar o magosto tiramos unha porta vella  para que se queimara na fogueira.

Alégrome moito do que fixen, xa que é o último ano na escola e traballei moito xunto aos meus compañeiros e paseino en grande!!!
Isabel Recarey Benito 6º B

O Magosto
Hoxe foi o Magosto na escola.
Eu estaba moi nervioso porque tocábame axudar a asar as castañas, algo que  levaba querendo facer dende moi pequeno. 
Outros non tiveron tanta sorte coma min porque non lles tocou axudar nas actividades que querían. 

Na metade da primeira hora viñeron uns profesores á clase e chamaron a uns cantos nenos máis a min.
Non sabiamos para que, pero fomos encantados.

 Ao chegar dixéronnos que tiñamos que levar as castañas e a leña a onde se faría a fogueira. 

Cando rematamos tocou o timbre. ¡Xa era a hora de asar as castañas! Fun correndo ao lugar onde se cociñarían.

Cando comezamos a preparar todo, eu xa morria coas ganas de empezar. 
Despois de observar como iamos axudar puxémonos mans á obra. ¡Ulía de maravilla! O único malo era que, coa fogueira ao lado, facía un calor de morte.  

Así que cando pasou o meu turno saín ver como se desenvolvían as distintas actividades e xogos. ¡Quedei abraiado!  Estaban todos os xogos organizados por cursos, parecía que todos se divertían moitísimo. ¡Como non! Había xogos como: a petanca, o chapacastaña, un baile, o arrinca o rabo... Daban moitas ganas de ir  xogar... 

Pero tiña que seguir asando as castañas. Ao final repartimos as castañas asadas por todos os cursos. ¡Xa era a hora de poñerse as botas! 

Ninguén quedou con fame! Despois da merenda todos bailamos un baile que estivemos preparando moito tempo e... ¡Saiunos de maravilla! 

Cando terminamos o baile fumos subindo curso por curso ás aulas a falar de como o tiñamos pasado.
 Na miña opinión foi o Magosto máis divertido de todos. 
 Unha pena que o ano que vén os de este sexto xa non estemos na escola para celebralo...
Joel Moreira Fernandez 6º B

O Magosto

O venres pasado fixemos o magosto na escola.
 Gustoume moito, pero o malo, foi que facía moito calor! ¡Estabamos a suar coma pitos! 
O mellor foi repartir as castañas ao final das actividades. 

Almudena, Dalila e mais eu tiñamos que correr de un lado para outro, porque o cole tiña moita fame. Os de 2º o único que facían era dicir: ¡Máis! ¡Queremos máis castañas! 

O máis gracioso foi o baile porque os de 6º estabamos no centro da pista cuberta con todos os cursos ao redor nosa, e cando tocaba dar a volta todo o colexio estaba dado a volta e nós só mirabamos espaldas e ningunha cara. 
Estivo moi gracioso. 
Também foi un dia moi especial porque era o noso último magosto na escola. 

O único que se nos ocurreu foi darnos una aperta toda a clase, alí mesmiño no medio da pista. 
Sara caiu e empezou a marearse un pouquiño... 

Pero o que digo é: ¡¡¡PASÁMOLO MOI BEN!!!
Sandra Quiroga Fortes 6º B


Un Día  Inolvidable
O derradeiro venres foi o Magosto.

Eu. Aldara, elexía asar castañas xunto con Sara, Helena, Joel, Eduardo, Nicolás, Juan, Jose, e algúns de 6º A.
Aínda que quería que este Magosto fora memorable, o meu traballo foi pouco, pero tamén gracioso porque explotaban as castañas na cara, cando non estaban picadas.

Así, ao estar mesmo á beira das castañas, tivemos a oportunidade de poñernos as botas antes que ninguén.

Debo recoñecer que o máis traballador foi Nicolás. Ía a fume de carozo!!!
Pensei escabullirme un intre para ver que se cocía noutros lares. Foi graciosísimo!!! Acheigueime a varios postos, coma a onde se bailaba, a onde se xogaba á petanca, á chapacastaña...

O final sí que o pasei moi ben xa que fomos todos  bailar dentro dun círculo que fixeran os pequenos no medio da pista .

Sandra tiña razón, escachabamos coa risa ao ver que cando nos dabamos a volta, todo o mundo nos daba a espalda, coma se fósemos da realeza. Ha, ha, ha!!! É broma...

Démonos unha gran aperta entre todos para celebrar o noso último Magosto na escola.
Estas lembranzas, (xunto co toque de Paco asando castañas) son un dos mellores agasallos deste curso.
Aldara Fdez Fdez 6º B

Un Magosto Moi Especial

O día nove de novembro celebramos o magosto na escola.
Foi un magosto moi especial xa que era o último que iamos celebrar todos xuntos.

Ese día tivemos que aprenderlles ós nenos e nenas da escola uns xogos tradicionais como "arrinca o rabo", chapacastaña, un baile, e moitos máis xogos.


 A Dalila , a Tomás e a min tocounos "arrinca o rabo", foi moi divertido!

Case me olvido, outros nenos tamén asaron as castañas, claramente coa axuda de Paco, pero fixeron un gran esforzo. E despois todos axudamos a repartilas ... Todos querían máis...

Como non, nós tamén enchemos o bandullo de castañas... Estaban boísimas!
E despois baixamos a comida co baile que nos ensinou Lola.
 Aarón Loira García 6ºB

 O Noso Último Magosto
Este ano o magosto na escola chegou o día 9 de novembro.
Todos os nenos, de 5º para baixo, tiveron horario normal ata case a hora do recreo menos nós que estivemos a preparar o magosto dende as 9.

Ao comezo do día, a profe Lola colleu un representante de cada equipo,  para que axudara a facer carteis, colocar o material para cada  xogo, limpar as pistas... E do meu equipo tocoume a min...
Mentres, os outros, baixaban as castañas para asalas...

E a nosa profesora Mary Carmen, armada de cámara en man, a sacar fotos, naturalmente.
Por fin chegou a hora, iamos ás clases a por os nenos e nenas que se clasificaban por cores.

Estabamos divididos por equipos e cada equipo facía xogos cos pequenos. Os equipos eran: Isabel e Laura, Ismael e Almudena, Aarón, Tomás e máis eu, Dalila...

Cando quixemos comezar a realizar os xogos, os profes sabíanos doutro xeito e fixémonos un pequeno lío... Pero ao  final saiunos ben.
O malo veu cando chegou a miña nai e tiven que ir ao dentista... 

Pero regresei a tempo para a comilona de castañas. ¡¡¡Estaban deliciosas!!!

Durante un rato xogamos ao noso aire pero logo bailamos. 
O día foi perfecto, a pesares de que Sara levou un golpe.
Dalila E. García García 6ºB

Un Día Especial

Este día tan especial comezou ao abrir a escola o Venres. Ao entrar todos nas aulas ambos cursos 6ºB e 6ºA estaban moi nerviosos xa que cada estudante tiña unha  tarefa asignada.

A min, Antón, tocoume a actividade de vixiar aos de cursos inferiores participando no xogo chamado chapacastaña. Este xogo consiste en levar unha castaña, empurrada co dedo, polo interior dun carril sen que a castaña saia do carril. 

 
 Ao ir recoller aos participantes tiña tanto entusiasmo por comezar que ata tiña a sensación de estar mareado. Ao chegar abaixo, ás pistas, os participantes comezaron a xogar e...

¡Que desmadre! Eu apenas era capaz de controlalos e non só eu, os demais organizadores tampouco. Tanto María, Carmen, como Anxo, Laura, etc...



Ao comezo estabamos un pouco desbordados pola situación. 

 Ao terminar as actividades o curso de 6ºB gritou: ¡Victoria!

E tiñamos tanta satisfación no noso interior que apenas  podiamos crer que puderamos con todo. 
Tamén tiveron traballo os que se encargaron de asar as castañas, pero definitivamente nós máis, pois tiñamos que orgaizar a moitos nenos a un tempo.

 Ao tocar o timbre todos nos despedimos ilusionados, pero ata con pena de ter que marchar.

Pero sabiamos que iamos volver a vernos o luns.

Ben, en resumo, só dicir que  foi un dia cheo de emocións.
Antón Freire Barcia 6ºB

VER AQUÍ TODAS AS FOTOS DO MAGOSTO