viernes, 20 de octubre de 2017

As Mellores Persoas Para Nós

O MELLOR IRMÁN DO MUNDO
Leandro é o meu irmán. Ten dezasete anos. É alto e forte, mais moi delgado. Leva lentes e ten o pelo crecho.
Vai en segundo de bacharelato, estuda moitísimo e está todo o día indo a clases particulares e estudando na súa habitación. Aínda que lle gusta moito xogar co móbil e ver a televisión. As súas series favoritas son the Big Bang theory e Rick and Morty.
Tamén lle gusta moito escoitar música, en especial de Ed Sheeran e Shawn Mendes pero tamén odia o trap.
É moi bromista menos cando se enfada porque ninguén pode falar con el mentres está así. 
É moi amable e nunca di que non á diversión tanto cos seus amigos como el só.
José Abollado Bugallo 6º A

A MIÑA IRMÁ
A miña irmá ten case dous anos. Vive en Redondela co meu pai e é moi graciosa e risoña.
É baixiña, coma min, e ten un pouquiño de barriga, pero tampouco moita. Os seus ollos son de cor castaño e de tamaño mediano. A súa boca é enorme, cuns dentes brancos coma o leite, aínda que non os teña todos.
A ela gústanlle todas as pelotas en xeral, xa que cando ve unha, sae correndo a por ela. Tamén lle gusta ver no teléfono da súa nai capítulos da antiga serie A CASA DE MICKEY MOUSE. Gústalle moitísimo comer, aínda que ás veces que non come por calquera motivo, ameázana con que non verá os episodios de Mickey Mouse, e entón come máis rápido ca unha bala.
Non lle gusta que lle leven a contraria, xa que se lla levas, pode pegarche e dicirche: “es malo/a”.
A súa forma de ser é mimosa, coidadosa (co que lle gusta), un pouquiño caprichosa, alegre e moi, moi risoña.
Eu quéroa moito, sempre lle dou bicos, aloumiños, etc... É a mellor irmá do mundo.
Yago Amoedo Martínez 6º A
 
O MELLOR CURMÁN
Xoel ten 3 anos. É o mellor curmán do mundo porque é moi xoguetón. Tamén lle gusta moito o fútbol, as motos e tocar o tambor. É moi tranquilo pero cando colles unha cousa que a el lle gusta aínda que non a teña pónseche a gritar, a pegar e a chorar para que lla deas.
Cando é Semana Santa, meus tíos, miñas curmás e eu imos nunha confraría e cando están ensaiando el vai detrás co seu tambor.
Antes, cando o ía buscar á gardería víame e viña correndo ata min todo feliz. Agora xa non o podo ir buscar porque agora xa está no colexio; ten moito carácter pero tamén ri moito cando lle fas cóxegas.
A meus pais e a meus tíos parécelles un traste pero a min non; a miña curmá Laura e eu pensamos que é moi bo.
Laura e eu somos as curmás preferidas de Xoel porque sempre está a chamar por nós, e cando por fin está con nós, está moi feliz.
¡Gústame moito xogar co meu curmán pequeno!
Lucía Cancela Rodríguez 6º A

A MIÑA NAI
A miña nai chámase Rosana e é a mellor do mundo sendo nai de tres fillos. Os ollos marróns xunto co cabelo liso da mesma cor, fan que o sorriso sexa coma unha pérola. A súa estatura non é máis cá do meu pai, son iguais de altos, polo tanto, son a parella ideal. 
A ela encántalle a roupa colorida e conxuntala sempre cunha chaqueta vaqueira. Tamén lle gustan os vestidos, sempre que os leve sen medias, odia as medias. 
Polo seu carácter diría que está de todos os humores: anoxada, alegre, cansa, divertida, aburrida... Esta nai para facer a comida é incrible, porque se hai tempo para preparala, sempre está boísima, senón, outras veces, pode facela un pouco crúa.
ESTA SÍ QUE É UNHA NAI!
Yanira García García 6º A

O Meu Youtuber Preferido
Non tardei nin un intre en saber a quen escoitaba: Ao meu youtuber preferido Vegetta 777, porque ninguén comenta, ri, fala rápido e actúa como Vegetta. Aquel día Vegetta non levaba o pelo marrón tan longo porque fora á perruquería, e da barba, fuf ningún pelo! 
Levaba un conxunto da súa cor preferida, morado, e co seu logo, 
na chaqueta.  

Aquel día non estaba tan animado coma sempre, porque non lle ía algo do ordenador. (Se estivera un compañeiro alí seguro que o arranxaba), pero tomouno con calma e seguiu o vídeo, que, por certo, era moi bo. Despois co seu retintín de sempre foi comer un macguffin.
Cando regresou, viña coa súa afouteza para seguir o vídeo, que, non me canso de dicilo, era fantástico. Cando rematou, suspirou de alivio e, tal como entrou pola porta, marchouse. E eu, fun xogar.
Mauro Lago Nogueira 6º A

Miña Nai
Miña nai é moi alegre, divertida, graciosa e “enrollada”. Pero cando chega á casa enfadada, parece que chega un terremoto.  
Á miña nai gústalle moito cantar, pero cando a escoitas, danche ganas de cortar as orellas.
Adoitamos ver películas de amor e as dúas acabamos chorando sempre.
Acostuma ter moi, moi, moi mal carácter, por iso, neses casos, o mellor é deixala soa coas súas pipas Tijuana.
O que intento dicir nesta redacción non é que sexa mala, iso non o entendades mal. Eu só intento dicir da miña nai que todo o mundo ten algo bo e algo malo e por iso teño que dicir que unha nai non é só para que che compre roupa, ou che faga a cama senón que é tamén para pasar os bos momentos e os malos. 
Así é a miña nai e teño moita sorte de tela.
Alejandra Sueiro Lima 6º A
  
A MIÑA TÍA AVOA
Eu teño una tía avoa moi boa. Ela sempre me coidou e agora cóidoa eu. É loira, de ollos marróns, baixa e fraca.
Ela viste moi formal, nunca pon roupa de moda.
É sorrinte, tranquila, amable e lista como unha formiga.
Ela sempre foi moi boa persoa. Estudou formación profesional administrativo e durou 48 anos facendo ese traballo no hospital en Montecelo. Sempre tivo moi boas compañeiras, e uns xefes que sempre a axudaron. Ela xubilouse este ano e está moi contenta de poder disfrutar a súa vida ao máximo. 
Sempre me axuda co Francés, Inglés, etc.
A ela gustaríalle ir a vivir a Santiago porque aí naceu, medrou e coñeceu ao seu marido.
Encántalle facer cousas, non é capaz de estar nin un momento sen facer algo.  
A miña nai sempre conta con ela para calquera cousa por que sempre a apoiou.
Eu quéroa moitísimo e sempre contarei con ela para calquera cousa.
Mercedes Barragáns Padín 6º A

O QUE PENSO DE ESTEBAN
A min encántame chegar ao instituto e ver o meu irmán Esteban. Esteban ten 14 anos aínda que non o pareza. Cando o vexo encántame ver os seus ollos marróns e o seu pelo castaño escuro coma o tronco dunha árbore.
A súa roupa é sensacional cunha camisa coma rosa vermella e uns pantalóns curtos e vaqueiros coma o océano. Cando iamos á praia, non paraba de coller un montón de moreno. Aínda que pareza pequeno, cando se enfada, é malo.
Esteban é divertido, case sempre xoga comigo. Tamén pode enfadarse, pero case sempre é feliz. Ten un bo corazón, e se alguén se ri del eu protéxoo porque sempre será o meu irmán favorito porque é o meu...
¡¡¡¡IRMÁN!!!!
Irene Torres González 6º A

A miña Nai
A miña nai chámase Beatriz, pero eu, como a quero moitísimo, chámoa mami ou mamá. 
A miña nai ten un traballo que consiste en revisar os ascensores que reparan os seus compañeiros.
A ela non lle gusta ter que castigarnos e enfadarse comigo e o meu irmán pero algunha vez, se nos portamos mal, entón enfádase e castíganos.
A miña nai é moi boa reposteira e os seus mellores postres son: torta de queixo, torta de chocolate da avoa, etc... Que están boísimas!
Eu quero moito a miña nai porque me axuda no bo e no malo, e, porque perde tempo das súas cousas para axudarnos a min e a meu irmán.
Mitxel De Sousa Rodríguez 6º A

UNHA AMIGA ESPECIAL
Mercedes é unha nena baixa e coa pel morena. Ten o pelo de cor marrón como as castañas e curto. Os seus ollos son verdes, por certo, moi bonitos, e o nariz pequeno.
Mercedes é moi simpática, cariñosa e extravertida. Tamén é unha nena que cando a coñeces, dáste conta que pode chegar a ser moi importante para ti. É moi graciosa, de feito, no recreo pasámolo pipa xogando xuntas.
A ela gústalle moito vestir ben e maquillarse, por iso, eu sempre lle chamo “coqueta”.
Unha das cousas que máis me gusta dela, é que ten moita personalidade e cando estou ao seu lado síntome segura porque sempre me defende.
Para min é unha das persoas máis importantes.
Sara Fontán Cacheda 6º A

Unha nai perfecta
Miña nai, Carmina non é unha muller perfecta para os demais pero para min sí. É recheíña e morena, ten os ollos e a boca grandes. Tamén ten media melena e mide un metro cincuenta e oito centímetros. Ademais ten unha voz moi grave, e parece que sempre nos está a berrar. 
Gústalle poñerse roupa diferente aos demais e leva tacóns porque cando leva zapato plano dóelle a columna.
Miña nai é unha persoa á que lle gusta moito facer novos amigos, polo que podemos dicir que ten un carácter alegre, aínda que ás veces é moi estrita. 
A ela gústanlle moito a familia, o circo, a praia, a música, o cine e facer cousas cos fillos. Tamén lle gusta moito viaxar en familia, aínda que non o podemos facer moi a miúdo, porque non ten vacacións, posto que é a xefa da súa perruquería. 
Para min é a mellor do mundo, non hai unha igual.
Brais García Rey 6º A

A IRMÁ DE OURO
Miña irmá chámase Noelia. É alta e forte coma un carballo e intelixente coma un elefante. Cos ollos marrón-verdosos coma as follas das árbores no outono, é delgada e bela coma un cisne. Leva o pelo longo coma un león.
Cando se enfada dáme medo pero se eu tamén estou enfadado, tiro os meus medos pola ventá e encárome, aínda que me saque cinco anos e unha cabeza de altura.
Pero tamén a quero moito, pase o que pase, segue sendo miña irmá, e aínda que haxa peleíñas non a deixarei de querer. 
Eu tampouco sei que faría sen ela, por iso non me gusta que medremos, porque a botarei de menos e creo que ela a min tamén.
Á maioría dos meus amigos cáelles ben, pero se falan mal dela polas costas e me entero, sempre a defendo. Pero se mo din á cara podería entendelos, porque non se lle pode caer ben a todo o mundo. A diferenza de opinións pode entenderse sempre que sexa dando a cara.
Breixo Fentanes Gago 6º A
  
O Meu Amigo Álvaro
Álvaro García é o meu mellor amigo. Álvaro é unha persoa moi intelixente, de feito, está en segundo da ESO. É un rapaz moi forte e moi amable cos demais. Ten o pelo marrón e os ollos azuis.
Practica balonmán, baloncesto e piragüismo. Encántalle xogar ó brilé e non é moi fan da miña quenlla Willi, xa que un día mordeulle o dedo xogando.
El é moreno e sempre ven á miña casa en verán para ir á praia e xogar na Seca ao baloncesto e ao fútbol.
A súa comida favorita son os xurelos.
Eu, persoalmente, penso que é moi boa persoa e que non se cree superior aos demais, coma outros rapaces que eu coñezo. 
A Álvaro gústalle moito a natureza e as árbores e animais que viven nela.
Javier Fernández González 6º A

lunes, 9 de octubre de 2017

Gústannos Moito Os Animais

A Miña Quenlla Willi
Teño unha quenlla na miña casa, chámase Willi. A min encántame darlle de comer. Come polo crudo e carne de porco, e, por algunha razón tamén come leituga!!!
Willi ven dunha piscifactoría. Alí chamábanlle Bernardo, pero a min non me gustaba, e púxenlle Willi pensando en Willirrex, un youtuber moi famoso. 
Willi é moi amigable. Un día que lle metín un cangrexo no acuario xogaba con el,  e a min sorprendeume moito que non o papara ao momento.
Ten unha pelota coa que xoga tódolos días. Encántame velo nadar entre as rochas e os corais decorativos do acuario. Cando poño a cara ao lado do acuario, Willi ven nadando e choca contra o cristal. Sempre imaxino que pasaría se eu fora el e el fora eu! 
Encantaríame tocar a súa pel húmida e escura como se fora aceiro e contar os seus afiados dentes.
Unha vez, no verán, metino na piscina e estaba máis feliz do que nunca o vira! É unha quenlla xenial!
Javier  Fernández González 6º A
 
DRAGÓN
O meu animal favorito é o dragón.
Eu sei que non é un animal moi gustado pola xente. Pero a min fascíname porque é diferente aos demais.
Eu represéntoo como un deus. Caracterízase por ser unha besta voraz e voar coas súas ás enormes.
Hai moitos tipos de dragóns, pero os esenciais son os de auga, os de terra, os de luz e como non, os de fogo.
Aínda non está demostrado que existan, pero as persoas fantasiosas soen crer en dragóns, ninfas, fadas, .... por iso algún día teño a esperanza de dicir:
- Mamá, ves como existen os dragóns?
Agora xa vos contei o que eu pensaba dos dragóns, pero só teño unha cousa máis por contar, e é que os dragóns son animais fortes, cariñosos, dependendo de moitas cousas boas máis. Por iso creo que merecen ser queridos como outro calquera animal.
Alejandra Sueiro Lima 6º A
 
Os Gatos Xoguetóns
O meu animal favorito é o gato. Tiven dous na miña casa. Un era negro e branco e o outro amarelo. Os dous eran moi xoguetóns, corrían por todas partes, non deixaban ningún lugar sen correr por el.
Eran aínda pequenos e tiñan as patas curtas.
Un día, un rabuñou o sofá, gritei hacia el e baixou a cabeza e as patas arrepentido. Empecei a acariñalo e rascábase coa miña man dando voltas.
Estábame indo e perseguíame a todas partes onde estaba.
Fun á cociña collín un cacho de carne, dinlla coa miña man e estaba comendo. Despois púxenlla nun prato e fun ao sofá ver a tele. El colleu a carne e púxose ao meu lado e vimos xuntos a tele.
Zouhair El Hasssani 6º A

O AMOR QUE SINTO POR LUANA
Cando chego á casa a miña cadela chamada Luana alégrase moito ao verme e cando vou saudala tírase encima miña e lámbeme como se fose un caracol.
Encántame tocar a súa pelaxe suave, marrón e beige coma o tronco dunha árbore e cuberta de manchas negras coma un Dálmata.
Polo fin de semana ao acabar de almorzar vou xunto ela e doulle de comer. Cando bebe é coma unha mangueira.
Tamén me protexe cando choro. Algunhas persoas pensan que morde pero é moi boa e eu mímoa moito. Cando fai algo mal xa sabe que fixo mal e agóchase para pedir perdón. Eu perdóoa e sigo xogando con ela.
Cando se senta dislle: pata! E dáche a pata!
Os seus ollos marróns déixanme hipnotizada, e como non a acaricio, ela lámbeme a cara.
O seu rabo é tan, pero tan peludo, que parece un plumeiro e cando a collo polo rabo ela dá voltas, e eu...
Irene Torres González 6º A

O HÁMSTER
O hamster é un animal roedor, moi pequeno, ao que normalmente gústanlle moito as pipas.
A min gústame moito porque ten un rabo pequeno e puntiagudo e unhas patas moi curtiñas. Tamén ten uns dentes incisivos moi grandes comparados co seu corpo. Adoita vivir nas casas, porque aos nenos como a min, gústanos moito.
Cando vive nas casas méteno nunha pelotiña que fai que este poida andar pola casa sen morder cables, cordóns, que non se meta detrás dos mobles, etc.
Eu tiña un hámster, era o meu mellor amigo, e miña irmá tamén tiña outro, de feito faciamos carreiras que organizabamos así: Metiámolos nas bolas e faciamos circuítos con zapatos. Quen antes chegara primeiro ao último zapato gañaba.
Brais García Rey 6º A

BOLI, A MIÑA CADELA
Eu teño unha cadela chamada Boli. É branca con manchiñas de cor canela claras. Penso que ela é moi mimosa e xoguetona, coa miña familia e igual na rúa, solta nalgunha praza.
Algunhas persoas creen que Boli é agresiva, pero eu considéroa a mellor cadela do mundo. Os seus costumes son o que fai sempre: xogar cos seus bonecos e cando estamos na cociña sempre sobe ás pernas do meu irmán. Durmir un montón, correr polo monte gozando do vento no seu fociño… e moitos máis costumes. Sempre está moi despeluxada cando se atopa moi, pero moi xoguetona e desfai os peluches máis antigos e descosidos da casa.
A ela encántalle comer e por iso está gordiña, porque come de todo menos froita, verdura e azúcares porque eses alimentos séntanlle moi mal. É moi divertida e quéroa un montón. É mala e boa á vez, cansada e alterada á vez, aburrida e divertida, e…
A CADELA PERFECTAAAA!
Yanira García García 6º A

A SERPE
A serpe é un réptil sen extremidades e cunha lingua moi longa. Ten uns ollos moi grandes para ver mellor as súas presas. O seu tamaño e cor pode variar, dependendo do tipo de serpe que sexa, podendo chegar ata máis de cinco metros.     
A maioría das serpes ten reprodución ovípara, é dicir, as súas crías nacen de ovos. A súa boca é enorme, pode tragar un coello enteiro, e tamén conta cuns cairos moi velenosos, que poderían matarte nunha hora. Aliméntase de pequenos mamíferos (ratos...) e dalgún que outro paxaro (colibrís...).
Poden vivir nos ecosistemas máis remotos, como por exemplo, os desertos, as sabanas e as xunglas.
Hai moitos tipos deste peculiar réptil: a serpe de cascabel, a pitón, a mamba negra, a anaconda, etc. Non che agradaría toparte cunha destas, xa que se a ves e che morde, tes que ir ao hospital máis cercano rapidamente ou podes incluso chegar á morte instantánea.
A min gústame porque cando se move é moi graciosa, deslizándose polo chan a gran velocidade. Aínda que aos meus amigos non lles guste polo veleno, a min gustaríame ter unha amestrada na miña casa como unha verdadeira amiga coa que xogar.
Yago Amoedo Martínez 6º A

O MELLOR AMIGO DO HOME
Para min o mellor animal é o can. Eu considéroo o mellor amigo do home.
Penso iso polo meu can morto recentemente. Ese can para min non era un can, era un amigo, máis que un amigo era un membro da familia. Pero eu perdinme os seus últimos momentos porque miña irmá é alérxica; pero puiden xogar con el bastante tempo e el comigo.
Este can era negro, pequeniño, co pelo rizado, sobre todo era moi cariñoso e xoguetón. Encantáballe xogar coa pelota ou co disco. Vivía na casa dos meus avós de parte paterna en Campolameiro nunha casa moi grande cunha finca espaciosa e con moitos animais cos que poder xogar todo o tempo que quixera; encantáballe enredar con máis cans, galiñas, coellos e ovellas por outra parte da finca.  
O   meu can ideal sería grande, branco, cariñoso, bonito, xoguetón e amigable como un labrador. E que sempre estea feliz e contento cando estea ao meu lado.   
Breixo Fentanes Gago 6º A  
                                                                  
O MEU GATO PEPE
O meu super gato gordo chámase Pepe e ten uns ollos enormes e de cor verde.
A súa gran comida favorita son os brekkies para gato!!! DARÍA O QUE fora POR ELES!!!
A súa afección é tirarse polas escaleiras abaixo,e, sobre todo, a calor.
É o pai de 4 gatos porque unha gata nosa pariu nun armario da miña nai. Dous deles son como o gato Garfield e son machos, e os outros dous negros e femias.
O pai dos nenos é do veciño, así que nomeamos a Pepe como o pai!!!
Fabián Bermúdez Abal 6º A
 
BALAENOPTERA MUSCULUS
O meu animal preferido é a balea azul, porque é o animal coñecido máis grande do planeta. É un mamífero mariño. Os adultos miden entre 24 e 27 m de lonxitude e pesan arredor de 100 e 120 t. O exemplar máis grande rexistrado medía 30 m e pesaba arredor de 173 t, moito, verdade? Por iso teñen que comer bastante. Aliméntanse de krill e algúns copépodos (pequenos crustáceos), non de Don Guepetto e de Pinocho. Comen entre 4 t de krill ao día e se teñen moita fame ata 8 t.
Algo que me encanta das baleas azuis é que teñen moitos segredos, e como eu son moi cotilla quero descubrilos. Por exemplo, sabiades que para durmir teñen medio cerebro activo e o outro durmido, para poder respirar?; que o seu corazón é do tamaño dunha persoa de 14 anos?; que podemos nadar apertados nalgunhas das súas veas e que non teñen dentes senón unhas barbas chamadas baleas?
Agora están protexidas e non se poden cazar porque antigamente a xente as mataba para conseguir graxa de balea, cos seus pelos facer as baleas dos paraugas, e porque como eran tan grandes pensaban que eran monstros. As pobres están en perigo de extinción. Temos que axudalas!
Mauro Lago Nogueira 6º A

A XIRAFA
A xirafa é un animal herbívoro e ruminante. Para min é o animal máis alto do mundo enteiro, e ademais ten un pescozo moi longo.
A xirafa é o meu animal favorito tamén porque ten unha cor amarela moi bonita.
Eu creo que é un animal moi bo pero eu penso que moita xente tenlle medo.
A min gustaríame poder vela algún día.
Creo que a xirafa pode ser un gran amigo para o home.
Lucía Cancela Rodríguez 6º A
 
LANA
Lana é unha cadela, unha caniche moi bonita, branca e pequena.
Vive coa curmá Andrea. Ás veces Lana ladra porque quere xogar. É moi traviesa e escapa rápido cando lle lanzo a pelota.
Agora estase facendo maior, pero segue sendo moi mimosa.
Maxim Boullosa Fernández 6º A

O PINGÜÍN  
O animal que me gusta máis, o primeiro de todos é o pingüín. Son moi monos, astutos e un pouquiño arteiros e graciosos.
O meu pai é de Arxentina e durante un tempo viviu nas zonas xeadas. Sempre me conta cousas dos pingüíns como que se lle das a un de comer, nun intre, tráeche toda a manda! E que sempre lle roubaban o peixe á xente, sobre todo ás velliñas. 
Encántanme!      
Marco Daniel Balsis Vélez 6º A
O KITSUNE
A min gústame o Kitsune porque me parece increíble. É moi bonito porque ten nove rabos! Oxalá tivera un na casa!
Case todos din que non existe o raposo de nove rabos que é o kitsune, pero para min existe, é moi real!
É un raposo de nove rabos e ten nove vidas. A cada vida que gasta cáelle un rabo.
Os kitsune poden vivir moitos anos, por exemplo 20.000 anos.
Os kitsune son moi rápidos, e só os hai no Xapón e poida que tamén na China. 
Rouxi Zhang 6º A
CLICAR AQUÍ PARA VER TODOS OS DEBUXOS