Hoxe 30 de xaneiro é o día internacional da
paz e a non violencia!
Como sabedes, nesta data conmemórase a morte de
Mahatma Gandhi, grande loitador pola paz!
Nós na escola tamén o celebramos. Nas
primeiras horas estivemos a traballar sobre poemas de Gloria Fuertes.
Todos traballamos con moito ahínco!
Para realizar unha boa tarefa!
A nosa sorpresa foi que despois do recreo
tivemos un taller de relaxación titulado "Inner Peace", que significa Paz Interior!
Entre outras actividades contáronnos un conto
dun dragón de 3 cabezas: unha de fume, loutra de lume e a outra de xeo. Todo o
mundo lle tiña medo pero todo se solucionou co poder do silencio!
Despois, cunha serie de probas moi cómodas practicamos
como conseguir a paz interior...
Algúns de nós subimos ao escenario para
practicar... E todo foi moi relaxante!
De seguido, a fume de carozo, desprazámonos ata
o patio para realizar unha homenaxe ao pintor pontevedrés, Manuel Moldes,
finado hai uns meses.
Nós pintamos a parte que di “In Memoriam”
aportando cada un unha idea...
E quedounos moi ben!
Con detalles como este que aquí vedes.
Os demais niveis da escola realizaron tamén a
súa parte. Xuntámolas todas e quedou un mosaico de ideas moi variado e moi
colorido!
Tamén houbo poesías de Gloria Fortes sobre a
paz e cantamos e bailamos a canción “Paz” de Juanes.
Foi moi divertido e pasámolo xenial!
E aínda non acabou aí a cousa pois tamén houbo
solta de pombas!