Era un día normal, o sol iluminaba a nosa
clase, os paxaros cantaban en perfecta harmonía. Seguiamos a nosa rutina,
traballabamos na nosa cuadriculada libreta resolvendo irresolvibles problemas.
Dada unha precisa hora, un perfecto minuto e
un precioso segundo a nosa xentil profesora decidiu propoñernos un arriscado traballo.
Teriamos que buscar no máis profundo da nosa alma, encontrar intelixentes ideas
orixinais e coa nosa suave man debuxar ou realizar tridimensionalmente esas
intelixentes ideas.
Ao día seguinte no recreo un grupo de valentes
reuníase para realizar o arriscado traballo. Despois dunha pausa a profesora
propuxo unha chuvia de ideas críticas. En canto pronunciou “chuva de ideas” todos nos
quedamos in albis pero tras un par de segundos converteuse nun torrente de palabras
expresando o que queriamos plasmar.
Unha árbore con mouchos da sabedoría, sobre a
que voan negras andoriñas e da que saía un deslumbrante arco da vella rematada
por bolboretas...
Un poboado imaxinario e unha toupeira moi culta...
Un piloto bastante inexperto que voa moi preto do sol axudado pola nosa aguia de lume...
Unha rapaza con paraugas sobre o que chovían
follas e corazóns...
Un estanque de parrulos onde navegan barcos de papel que atraen a un pingüín
e un cervo despistados...
E despois do duro traballo de mestres debuxantes
e outros artesáns logramos o que a colonia de 6º A denomina: “Maxia e arte na
Natureza”.
Despois chegou o momento de expoñelo e fixémolo
conxuntamente con outras aulas da escola na exposición arredor da “Biblioteca
dos artistas” o proxecto que estamos a traballar este ano.
Mauro Lago Nogueira e Javier Fernández González
6º A
Foi moi divertido facer o traballo.
ResponderEliminara verdade e que o piloto si que ere moy inexperto, caeuse do avión cando o expusimos.
ResponderEliminar